Psa 14 | NdeIBE | STEP | Kumqondisi wokuhlabela. ElikaDavida Isiwula sithi enhliziyweni yaso, “AkulaNkulunkulu.” Baxhwalile, izenzo zabo zingamanyala; kakho owenza okuhle.

Psalms 14

1 Isiwula sithi enhliziyweni yaso, “AkulaNkulunkulu.” Baxhwalile, izenzo zabo zingamanyala; kakho owenza okuhle.

2 UJehova ukhangela phansi esezulwini abone amadodana abantu ingabe bakhona yini abezwayo, abamdingayo uNkulunkulu.

3 Bonke baphambukile, bonke ndawonye sebexhwalile; kakho loyedwa owenza okuhle, kakho lamunye.

4 Kabafundi yini abenzi bobubi – labo abadla abantu bami njengabantu besidla isinkwa, bona abangamkhonziyo uJehova?

5 Nampo-ke sebetshaywa luvalo, ngoba uNkulunkulu ukhona phakathi kwabalungileyo.

6 Lina benzi bobubi lifubisa amalungiselelo abayanga, kodwa uJehova uyisiphephelo sabo.

7 Sengathi insindiso ka-Israyeli ingavela eZiyoni! Nxa uJehova esebuyisela inhlanhla yabantu bakhe, kathokoze uJakhobe lo-Israyeli ajabule!